María del Carmen Macía seguirá á fronte do PSdeG-PSOE de Bóveda
A agrupación socialista de Bóveda renova a súa Executiva local co obxectivo de dar continuidade a un equipo “unido e comprometido”. María del Carmen Macía seguirá á fronte como secretaria xeral.
O novo organigrama queda composto por Mª del Carmen González, que asumirá a Secretaría de Organización; Roberto Carlos Piñeiro Pacio, que se encargará da Secretaría de Política Municipal; e Manuel González Losada, que continuará como tesoureiro.
Desde a agrupación destacan que se trata dun equipo con “experiencia, estabilidade e compromiso” para seguir impulsando unha “política útil e transformadora” no ámbito rural.
“Hai outra forma de gobernar, máis próxima á veciñanza. O noso obxectivo é mellorar a calidade de vida da xente de Bóveda”, subliñou Macía.