Máis de 100 deportistas danse cita en Monforte no Campionato Galego de Técnica e Freestyle de Taekwondo
RibeiraSacraXa
Será durante a xornada deste sábado no Pavillón Polideportivo Municipal da Pinguela
11 Jan 2025
O Pavillón Polideportivo Municipal da Pinguela acolle este sábado, 11 de xaneiro, o Campionato Galego de Técnica e Freestyle de Taekwondo, organizado pola Federación Galega de Taekwondo, o Club Neka, e que conta coa colaboración e patrocinio do Concello de Monforte de Lemos e a Deputación de Lugo.
No evento participarán ao redor de 150 taekwondistas de a partir de 11 anos de idade que se darán cita durante toda a mañá. O acceso será libre e gratuíto para todos aqueles que queiran achegarse a gozar deste deporte.