Licitado o contrato para melloras no Punto Limpo de Monforte e renovación de contedores
O Concello de Monforte licitou o contrato para a mellora do Punto Limpo municipal e a adquisición de novos contedores, cun orzamento estimado de 41.684,50 euros. O prazo de execución dos traballos establécese ata o 15 de novembro de 2025, cun máximo dun mes desde a sinatura do contrato para a entrega dos suministros.
O Punto Limpo de Monforte, construído no ano 2000, non recibiu actualizacións nin melloras desde a súa apertura, polo que, segundo o alcalde, José Tomé Roca, “hai unha serie de elementos que requiren renovación”. Ademais, será necesario adaptar a instalación á produción actual de residuos, ampliando os tipos de materiais admitidos.
O contrato inclúe a mellora das portas de acceso, que se pintarán e motorizáranse, así como a instalación dun sistema de control de acceso para os usuarios e dunha barreira automática diante da caseta de control. Tamén se procederá á substitución dos contedores destinados a voluminosos de madeira e chatarra, que se atopan en mal estado, por novos compatibles con camións de gancho tipo ampiroll e cunha capacidade mínima de 30 metros cúbicos.
O prazo para presentar propostas remata o 2 de outubro de 2025, e a mesa de contratación reunirase o 6 do mesmo mes ás 8.45 horas.
Esta intervención enmárcase dentro do programa de axudas a entidades locais de Galicia para proxectos de xestión de residuos, cofinanciadas polo Mecanismo de recuperación e resiliencia da Unión Europea, no marco do Plan de recuperación, transformación e resiliencia-NextGenerationEU.