Licitadas as obras de mellora enerxética do IES Río Cabe de Monforte de Lemos
![ies rio cabe monforte de lemos](https://ribeirasacraxa.com/wp-content/uploads/2022/07/ies-rio-cabe-monforte-de-lemos.jpg)
Licitadas as obras de mellora da eficiencia enerxética no Instituto de Educación Secundaria (IES) Río Cabe de Monforte de Lemos por un total de 441.237 euros.
O delegado territorial da Xunta en Lugo, Javier Arias, visitou o centro para abordar con membros da directiva os detalles do proxecto, que se centra na substitución de toda a carpintería exterior -salvo algunhas ventás do segundo andar que xa foran renovadas recentemente – por outra con maiores prestacións de estanquidade que incorporarán perfís de aluminio con rotura de ponte térmico e vidro illante. Ademais, renovaranse as persianas.
No tocante á fachada, actuarase na parte superior das carpinterías que se mudan, coa instalación de illamento termo-acústico. Así mesmo, procederase a pintar os paramentos verticais que se vexan afectados polas obras.
As empresas interesadas en presentar ofertas poden facelo ata o próximo 29 de xullo. Unha vez que se formalice o contrato, o prazo estimado de execución dos traballos será de tres meses.
Arias salientou que promover unhas infraestruturas máis sostibles desde o punto de vista medioambiental é un dos criterios marcados no Plan de Nova Arquitectura Pedagóxica de Galicia, que aposta por uns colexios e institutos mellor acondicionados e máis confortables para o alumnado e o profesorado.
Tamén subliñou o compromiso da Xunta cos centros educativos de Monforte de Lemos e destacou as actuacións máis recentes, como a reforma e ampliación do IES A Pinguela, na que se investiron 230.000 euros -; ou a rehabilitación integral do Centro de Educación Especial (CEE) Infanta Elena, cun orzamento aproximado de 900.000 euros. Ambas obras finalizaron o ano pasado.
Así, este xoves 14 Xullo ás 22:00h terá lugar na praza Campo de San Antonio, unha sesión de Cine Verán ó aire libre coa proxección de VALENTINA, que foi galardoada coma Mellor Película de Animación nos premios Goya 2022. A entrada é aberta e gratuíta para toda a poboación. Ademais da proxección da película, celebrarase un Coloquio Aberto coa súa directora, a cineasta Chelo Loureiro.
Continuando cos actos do Camiño Creativo nesta Etapa-5 que se desenvolve ao longo do Camiño de Inverno, tamén gracias a colaboración co Concello de Monforte de Lemos, o venres 15 Xullo, terá lugar un Obradoiro de Branding para o desenvolvemento da marca persoal e de negocio para emprendedores, coa presencia de Jorge de Amescua, director de Trivu. Este encontro terá lugar ás 16:00h, no Museo do Viño. Este obradoiro tamén é aberto e de interese para calquera negocio ou emprendedor que estea interesado.
E finalmente, tamén o venres 15 de Xullo, de 19:00h a 21:00h, o Museo do Viño de Monforte acollerá un encontro de profesionais do cine e audiovisual da Ribeira Sacra, no que xa se deron cita documentalistas como David Pinancho ou a produtora Némesis. O encontro é aberto aos profesionais deste sector que terán unha sesión de networking tb cos emprendedores do Camiño Creativo.