'Insumisión' terá lugar mañá en Monforte de Lemos
![teatro monforte lemos insumision](https://ribeirasacraxa.com/wp-content/uploads/2021/12/teatro-monforte-lemos-insumision.jpg)
A programación da Rede Galega de Teatros e Auditorios continua en Monforte de Lemos este xoves 2 de decembro ás 20:15 horas no Edificio Multiusos coa posta en escena da quinta obra correspondente a este ciclo, Insubmisión a cargo da compañía Teatro do Andamio.
A obra está interpretada por Gema Ulloa e Fran Giraldo, escrita por Rosa Molero e dirixida por Tatiana Likhacheva.
Cabe destacar que este espectáculo foi Premio Nacional de Teatro “Castelló a escena 2006”.
O prezo da entrada xeral para esta obra é de cinco euros e tres para desempregados, xubilados e estudantes, sendo o aforo limitado seguindo a normativa sanitaria no momento da realización do espectáculo.
A venta de entradas farase dende unha hora antes da actuación ás 19:15 h e a entrada o salón de actos realizarase ás 20:00 h.
Sinopse
Insumisión fala da violencia que se xera no ámbito familiar, e que o fai dende o epicentro do conflito: a intimidade da parella.
O texto conta a historia partindo de dúas premisas. A primeira é que a violencia non aparece explicitamente no texto. Trátase dunha violencia suxerida, subxacente... A tensión dramática crece ao redor desa violencia contida, pero que non estala sobre o escenario.
A segunda é que Insumisión non só se articula sobre a dor senón tamén sobre a esperanza, prantexando unha rebelión ante os fíos que nos atan a unha vida desgarrada. Hai saída; é posible facer as maletas é pechar a porta.
![01](https://ribeirasacraxa.com/wp-content/uploads/thumbs/2021/12/01-200x281.png)