‘Infantilandia’ chega a Pantón o 2 de xaneiro
RibeiraSacraXa
O nenos e nenas poderán gozar dos inchables instalados no Pavillón Monte Baliño
26 Dec 2024
O vindeiro xoves, 2 de xaneiro, os nenos e nenas de Pantón poderán gozar de ‘Infantilandia’, un parque de inchables que estará instalado no Pavillón Monte Baliño entre as 17.00 e as 20.00 horas.
A actividade forma parte do programa de Nadal posto en marcha dende o Concello e que inclúe tamén un campamento que arranca precisamente este xoves, 26 de decembro, e que se estenderá ata o 2 de xaneiro na Casa da Cultura de Pantón.
Ademais, entre outras actividades, este venres, 27 de decembro, o grupo ‘Os Parentes’ dará un concerto ás 20.00 horas no Salón de Actos do Edificio Sociocultural.