Historia, xeoloxía e turismo na segunda xornada do 'Outono Xeolóxico' en Quiroga
![concello_de_quiroga_outono_xeolóxico_2023](https://ribeirasacraxa.com/wp-content/uploads/2023/10/concello_de_quiroga_outono_xeoloxico_2023.jpg)
Este sábado tivo lugar en Quiroga a segunda xornada do programa 'Outono Xeolóxico 2023, que achega unha variedade de actividades nos tres concellos que conforman o Xeoparque Mundial da Unesco Montañas do Courel.
O programa comezaba ás 11.00 horas na Casa de Cultura, onde o tenente de alcalde e concelleiro de Turismo, Vicente Parra e o presidente do Xeoparque, Roberto Castro, foron os encargados de dar a benvida aos participantes.
Baixo o título de 'Montañas o Courel, un xeoparque de ouro', Javier Sánchez Palencia, profesor ad honore do instituto de Historia do CSIC falou sobre o outro en Asturias, en Galaecia e Lusitania. A continuación, Daniel Ballesteros, do Xeoparque Montañas do Courel espuxo a súa conferencia 'Montefurado, unha historia xeolóxica de romanos e peregrinos'.
Para rematar a quenda de intervencións, Brais Currás, do Instituto de Historia CSIC, realizou unha interesante charla sobre 'Montefurado e os outros “Montesfurados” na minería romana do ouro: últimas investigacións'. A segunda parte da xornada remataba pola tarde cunha saída de campo na contorna de Montefurado guiada polos tres relatores.