Felipe Aira presentou o seu libro '150 crónicas monfortinas' no Ateneo Casino de Monforte
O alcalde de Monforte, José Tomé Roca, acudiu á presentación do libro '150 crónicas monfortinas' do monfortino Felipe Aira, que tivo lugar no Ateneo Casino de Monforte.
No acto, estivo acompañado pola tenente de alcalde, Gloria Prada, a concelleira de Cultura, Ensino e Xuventude, Marina Doutón e a concelleira de Muller e Igualdade, Margarita López.
O libro, editado pola editorial Agrasar Editores, en colaboración con La Voz de Galicia, percorre a historia de Monforte a través das investigacións de Felipe Aira, cuxos artigos publícanse semanalmente no mencionado xornal con gran acollida entre os seus lectores.
O rexedor puxo en valor os artigos de Aira, que rescatan do esquecemento historias de traballadores monfortinos, de edificios emblemáticos, de establecementos que xa non existen, de acontecementos sociais e de época, etc., en definitiva, que rememoran feitos e acontecementos do pasado monfortino que, a través deste libro, forman xa parte da historia da cidade.
O acto foi presentado polo xornalista Luis Díaz e polo ex-presidente de la Audiencia Provincial de Lugo, Edgar Cloos. O salón do Casino Ateneo encheuse completamente, tanto de monfortinos como de diversas autoridades dos eidos máis representativos da cidade e da comarca, que non se quixeron perder este encontro con Felipe Aira.