Este venres abren as piscinas municipais de Quiroga para o desfrute da veciñanza
![piscina-Quiroga](https://ribeirasacraxa.com/wp-content/uploads/2023/07/piscina-Quiroga.jpg)
As instalacións das piscinas municipais do Concello de Quiroga abrirán ao público este venres, 28 de xuño, e pecharán o 7 de setembro; e como todos os anos, a primeira xornada de apertura, a entrada será de balde.
As piscinas municipais, que manteñen os prezos de entrada e de bonos de anos anteriores, abrirán todos os días en horario ininterrompido desde as 12.00 horas do mediodía ás 20.00 horas do serán.
Xunto coa apertura das piscinas, tamén se abre o servizo de cafetería, que estará dispoñible no mesmo horario co que contan estas instalacións municipais.
Deste forma, preténdese dar comezo á tempada estival no municipio dando a benvida ás actividades ao aire libre propias desta época do ano e poder gozar do verán e practicar deporte nas instalacións que brinda o Concello de Quiroga.