Actualidade

Está destinado aos nenas e nenas empadroados no concello co obxectivo de axudar ás familias durante as vacacións

O Concello de Quiroga abrirá este luns o prazo para anotarse no programa Concilia Quiroga para este Nadal, destinado aos nenas e nenas empadroados no concello e co obxectivo de axudar ás familias durante as vacacións.

O prazo estará aberto desde ás 10.00 horas e rematará o día 19 de decembro ás 14.00 horas.

As actividades levaranse a cabo os días 23, 26, 27 e 30 de decembro, e 2, 3 e 4 de xaneiro en horario de mañá, entre as 11.00 e as 13.30 horas, excepto o día 23, que haberá unha visita a Papá Noel pola tarde. O programa incluirá xogos, obradoiros de decoración e música e unha festa de Nadal que terá lugar os días 2 e 3 de xaneiro entre as 16.00 e as 20.00 horas no Pavillón Municipal.