Este ano non haberá Wolf Survival Race en Chantada

Os organizadores da Chantada Wolf Survival veñen de anunciar que este ano non poderán celebrar o evento a pesar de intentalo "ata o último momento" e de que puxeron "todos os nosos esforzos para que tivera lugar".

Os organizadores da Chantada Wolf Survival veñen de anunciar que este ano non poderán celebrar o evento a pesar de intentalo "ata o último momento" e de que puxeron "todos os nosos esforzos para que tivera lugar".

Así, din que lles dá moita pena "por todos vós, participantes, que non parastes de preguntarnos e estivestes pendentes ata o último segundo, porque sabemos que vos encanta o espírito wolf", pero tamén o senten polos patrocinadores, colaboradores e voluntarios, "que sempre estades aí e sabemos que este ano non ía ser menos".

Rematan o seu comunicado explicando que son conscientes de que "é un duro golpe para todos, podedes crernos que para ninguén máis que para nós", pero que, por razóns alleas á organización, "non foi posible".