O BNG de Monforte critica o gasto realizado na rúa Ourense por consideralo “innecesario”

Critican que o firme substituído xa estaba en bo estado

O BNG de Monforte critica o recente asfaltado da rúa Ourense, unha obra que supuxo un gasto aproximado de 100.000 euros e que, segundo a súa valoración, carece de xustificación. Sinalan que a rúa atopábase en bo estado, sen fochancas nin danos importantes, e que ademais fora repintada e sinalizada apenas uns meses antes, o pasado verán.

Para a formación, estes traballos responden a unha “falta de planificación” do goberno municipal, xa que primeiro se investiu en pintar e sinalizar a vía para despois levantala e rehacela pouco tempo despois. Aínda que a obra se levou a cabo rapidamente, consideran que xerou molestias innecesarias tanto para o tráfico como para o comercio local, sen achegar melloras significativas na mobilidade ou na vida cotiá dos veciños. O resultado final, indican, limítase a substituír un firme en bo estado por outro novo coas mesmas características.

O BNG considera que esta actuación non responde ás necesidades reais do municipio, entre as que destacan a mellora das beirarrúas estreitas ou deterioradas, a eliminación do cableado aéreo que afecta á estética urbana, a iluminación insuficiente en varias rúas e barrios, ou a rehabilitación de espazos públicos degradados.

“Repintar unha rúa no verán e asfaltala poucos meses despois é a proba máis clara de que non hai planificación. Non se pode gobernar así, malgastando o diñeiro público en actuacións que non achegan nada”, sinala o concelleiro do BNG, Manuel Luaces.

Así mesmo, engadiu que “gastar 100.000 euros nun asfaltado innecesario é un despropósito. Os recursos públicos deben destinarse a resolver problemas reais, non a realizar obras que só buscan aparentar movemento. Monforte merece unha xestión seria, planificada e pensada para a cidadanía”.O BNG de Monforte critica o gasto realizado na rúa Ourense por consideralo “innecesario”
Critican que o firme substituído xa estaba en bo estado

O BNG de Monforte critica o recente asfaltado da rúa Ourense, unha obra que supuxo un gasto aproximado de 100.000 euros e que, segundo a súa valoración, carece de xustificación. Sinalan que a rúa atopábase en bo estado, sen fochancas nin danos importantes, e que ademais fora repintada e sinalizada apenas uns meses antes, o pasado verán.

Para a formación, estes traballos responden a unha “falta de planificación” do goberno municipal, xa que primeiro se investiu en pintar e sinalizar a vía para despois levantala e rehacela pouco tempo despois. Aínda que a obra se levou a cabo rapidamente, consideran que xerou molestias innecesarias tanto para o tráfico como para o comercio local, sen achegar melloras significativas na mobilidade ou na vida cotiá dos veciños. O resultado final, indican, limítase a substituír un firme en bo estado por outro novo coas mesmas características.

O BNG considera que esta actuación non responde ás necesidades reais do municipio, entre as que destacan a mellora das beirarrúas estreitas ou deterioradas, a eliminación do cableado aéreo que afecta á estética urbana, a iluminación insuficiente en varias rúas e barrios, ou a rehabilitación de espazos públicos degradados.

“Repintar unha rúa no verán e asfaltala poucos meses despois é a proba máis clara de que non hai planificación. Non se pode gobernar así, malgastando o diñeiro público en actuacións que non achegan nada”, sinala o concelleiro do BNG, Manuel Luaces.

Así mesmo, engadiu que “gastar 100.000 euros nun asfaltado innecesario é un despropósito. Os recursos públicos deben destinarse a resolver problemas reais, non a realizar obras que só buscan aparentar movemento. Monforte merece unha xestión seria, planificada e pensada para a cidadanía”.