Diego Arias e Santiago González abren o prazo de inscrición no I Torneo de Catán de Sober
Os mozos de Sober, Diego Arias e Santiago González, veñen de abrir o prazo de inscrición no I Torneo de Catán de Sober, un xogo de estratexia que estrearán nas festas da capitalidade, os días 13 e 14 de setembro.
O obxectivo do xogo é construír pobos, cidades e camiños sobre un taboleiro que é distinto en cada partida, mentres se van acumulando varios tipos de cartas que fan posible realizar diferentes construcións coas que conseguir puntos.
O primeiro xogador que chega aos dez puntos resulta o gañador, aínda que todos os semifinalistas e gañadores levarán premio patrocinado polo Concello de Sober.
A competición repetirase anualmente coincidindo coas Festas da capitalidade e poderán participar todas aquelas persoas de máis de dez anos que se apunten.