David Vázquez presentará o seu documental 'El último Arganeo' na Pobra do Brollón

David Vázquez presentará o seu documental 'El último Arganeo' na Pobra do Brollón este domingo, 25 de xuño

Este domingo, 25 de xuño, a Casa da Cultura Olga Novo da Pobra do Brollón acolle a proxección de ‘El último Arganeo’ ás 19.00 horas.

Esta actividade, que será de balde para todas as persoas interesadas, contará coa presenza do director deste documental, David Vázquez, quen presentará o seu filme.

O documental trata sobre a historia dun mozo que decidiu ir vivir só ás montañas como pastor e vivir do que el mesmo producía, e poñendo en valor e reivindicando as tradicións dos seus antepasados.

David Vázquez é o produtor, técnico de son, cámara que produciu filmes como o de ‘A Rosa incandescente’, así como foi un dos promotores da Televisión de Chantada.