Coureleando pon en marcha un curso de orientación en montaña para todo tipo de climatoloxía
Coureleando, en colaboración con Casa Caselo de Paderne do Courel, presenta o primeiro curso de orientación en montaña para todo tipo de climatoloxía.
A actividade terá lugar os días 17,18 e 19 de xaneiro de 2025 e nela, os participantes aprenderán a manexar mapas, compás, a orientarse polo monte, técnicas de seguridade e planificación e algunhas aplicacións para móbiles útiles nas actividades de montaña. O curso combinará actividades teóricas e prácticas, incluíndo algunha actividade pola noite.
Coureleando ofrece un total de 12 prazas de aloxamento na Casa do Caselo, e as reservas deberán facerse a través do teléfono 626 643 021.
O curso comezará o venres, 17 de xaneiro, a partir das 18.00 horas, e continuará durante toda a xornada do sábado e a mañá do domingo, ata as 14.00 horas.