Rutas

Durante a ruta, os participantes poderán coñecer lugares destacados do municipio de Quiroga a través de parte do percorrido do Quiroga Trail Challenge 2026

Este sábado 21 de febreiro, Coureleando organiza unha nova ruta por unha parte do percorrido do Quiroga Trail Challenge 2026. Concretamente, a actividade percorrerá o trazado do MiniTrail do Castelo 2026, permitindo gozar das paisaxes máis emblemáticas da festa do trail galego.

Durante a ruta, os participantes poderán coñecer lugares destacados do municipio de Quiroga, como o Castelo de Novaes, o Castro Canivete, Paradaseca, as Orellas do Lobo, a Casa de Outeiro, así como os vales e montañas do Xeoparque Montañas do Courel.

O percorrido, que estará guiado polo Técnico Deportivo de Media Montaña, Guillermo Díaz Aira, sairá ás 10:00 horas do albergue de Quiroga e terá un tempo estimado de unhas cinco horas.