Cortes no tráfico ferroviario a causa das obras no tramo Monforte-Lugo
O tráfico ferroviario de viaxeiros entre Monforte de Lemos e Lugo verase interrompido os días 25 e 26 de setembro, e 23 e 24 de outubro, debido ás obras de mellora emprendidas por Adif neste corredor. Renfe estableceu plans alternativos de transporte por estrada para os viaxeiros dos servizos afectados.
Adif acometerá durante estes días actuacións en infraestrutura (obras de drenaxe, pasos superiores, noiros de trincheiras e túneles) e vía para permitir a electrificación do tramo entre Monforte de Lemos e Lugo Mercadorías, de 75 km de lonxitude.
Os cortes comezarán ás 22.30 horas dos venres 24 de setembro e 22 de outubro, concluíndo na madrugada dos luns 27 de setembro e 25 de outubro, afectando por tanto aos servizos ferroviarios de viaxeiros dos sábados e domingos (25 e 26 de setembro e 23 e 24 de outubro).
Plan alternativo por estrada para os servizos ferroviarios afectados
Renfe estableceu un Plan Alternativo por estrada para os días 25 e 26 de setembro; así como para as xornadas do 23 e o 24 de outubro:
Tren Alvia con saída de Madrid- Chamartín ás 12:55 horas e chegada a Lugo ás 18:25 horas: os clientes con destino Sarria e Lugo realizan o percorrido por estrada desde Monforte de Lemos.
Tren Alvia con saída de Lugo ás 10:50 horas e chegada a Madrid- Chamartín ás 15:23 horas: os clientes con orixe Lugo e Sarria realizan o percorrido por estrada ata Monforte, desde continuarán por tren.
Tren de Media Distancia con saída de Ourense ás 16:50 horas e chegada a Lugo ás 18:25 horas: os clientes con destinos Sarria e Lugo realizan o percorrido por estrada desde Monforte de Lemos.
Tren de Media Distancia con saída de Lugo ás 10:50 horas e chegada a Ourense ás 12:24 horas: os clientes con orixe Lugo e Sarria realizan o percorrido por estrada ata Monforte, desde continuarán por tren.
Tren de Media Distancia con saída de Monforte de Lemos ás 7:30 horas e chegada ás 10:10 horas á estación da Coruña: realízase por estrada o percorrido entre desde Monforte de Lemos ata Rábade.
Tren de Media Distancia con saída da Coruña ás 6:38 horas e chegada ás 10:05 a Ourense: realízase por estrada o percorrido entre Rábade e Ourense.
Tren de Media Distancia con saída de Ourense ás 11:50 horas e chegada ás 13:28 horas a Lugo: realízase por estrada a totalidade do percorrido.
Tren de Media Distancia con saída de Lugo ás 15:00 horas e chegada a Ourense ás 16:34 horas: realízase por estrada a totalidade do percorrido.
Tren de Media Distancia con saída de Ourense ás 19:52 horas e chegada á estación da Coruña ás 23:13 horas: realízase por estrada o percorrido entre Ourense e Rábade.
Tren de Media Distancia con saída da Coruña ás 19:35 horas e chegada ás 22:33 horas á estación de Monforte de Lemos: realízase por estrada o percorrido desde a estación de Rábade ata Monforte de Lemos.
Medidas posvenda
Ofrécese a posibilidade de anular os billetes ou cambialos sen custo adicional (se é para a mesma clase, no caso de modificalos), se as novas condicións de viaxe non se axustan ás necesidades dos clientes.
Adif e Renfe lamentan as molestias ocasionadas aos viaxeiros.