Comezan das Festas de Chantada, que incluirán moitas actividades
![Cartel Festas de Chantada](https://ribeirasacraxa.com/wp-content/uploads/2023/08/Cartel-Festas-de-Chantada.jpg)
Hoxe comezan as Festas de Chantada, que teñen un carácter continuísta e manteñen o formato de actuacións das agrupacións máis actuais para o venres das festas, orquestras para outros días, actividades infantís para o luns pola tarde, grupos locais para o Martes da Empanada e coa novidade de que este ano comezarán o xoves á noite cun concerto.
Ademais, os cabezudos percorrerán as rúas da vila as mañás dos días 26, 27 e 28 de agosto, pero durante as festas de Chantada haberá moitas máis actividades ás que atender.
PROGRAMA
As festas comezarán o xoves 24 coa actuación da Penúltima Sabinera nas Praza de Catro Camiños ás 23.30 horas e o venres actuará Gin Toni´s ás 23.30 horas e na Praza do Pavillón e ás 01.30 horas, Dj Kide Varela e Dj Carlos López.
O sábado, 26 de agosto, comezará a xornada con pasacalles ás 11.30 horas a cargo da Agrupación Tradicional da Casa da Música con cabezudos e a Banda de Gaitas do Concello tamén animará este día tan especial no que se celebrará o popular Folión de Carros, declarado de Interese Turístico de Galicia. Durante a xornada tamén terá lugar a lectura do pregón na praza de Galicia e o concerto, na praza de Santa Ana, de Pelepau.
Xa o domingo 27, sairá o pasacalles a cargo dos gaiteiros Os Barrios con cabezudos as 11.30 horas e ás 13.30 horas haberá pasacalles desde o Parque Eloisa Rivadullas da Banda de Música Recreativa e Cultura de Bandeira, que tamén ofrecerá un concerto. Ademais, terá lugar o XXXII Certame de Bandas de Música, que levará a cabo na praza do Cantón ás 18.30 hoas e que contará coa participación da Banda de Música de Chantada, Banda de Música Airiños do Morrazo e Banda de Música Recreativa e Cultural de Bandeira. A orquestra Olympus e a orquestra Gran Parada amenizarán a verbena en Xoán XXIII e na praza de Santa Ana, respectivamente.
Máis actividades
O luns 28, a xornada comezará co pasacalles a cargo dos gaiteiros Vos Barrios con cabezudos e ás 17.00 horas terá lugar a Festa Infantil con inchables e xogos tradicionais no Campo dá Feira Lanuxe. Unha sesión de fogos artificiais na praza do Pavillón e as actuacións da orquestra Os Satélites e o grupo América de Vigo nas prazas de Santa Ana e Xoán XXIII serán os actos que completen a axenda do día.
Por último, o martes 29 celebrarase a Festa da Empanada no Campo de San Lucas amenizada polos gaiteiros Os Barrios e as charangas Unión Phenosa, NBA e Louband. Pola noite haberá verbena na praza de Santa Ana coa orquestra Tango e en Xoán XXIII coa orquestra París de Noia.