Comeza o Rally Turístico Terras do Incio, que pasará por toda a provincia de Lugo
O Concello de Sober será o punto de partida do Rally Turístico Terras do Incio que comeza no día de hoxe, martes 5 de setembro, e que perdurará ata o vindeiro luns, 11 de setembro, percorrendo a Ribeira Sacra, con parada en Castro Caldelas e visita ao Museo do Ferrocarril de Monforte de Lemos.
Así, vehículos con historia de marcas como Mercedes, Aston Martin, Masserati, Ferrari, Xaguar… engalarán as estradas e pobos lucenses durante unha semana e que descubrirán o encanto desta bela terra.
Os participantes, tanto nacionais como internacionais e amantes do motor, poderán gozar de incribles rutas culturais e gastronómicas por Terras Galegas e especialmente pola provincia de Lugo.
Programación
O xoves serán as Terras do Incio as que capten as miradas de admiración dos participantes, onde tivo a súa orixe este prestixioso Rally Turístico, bordeando a serra do Caurel, gozando do Valle do Mao e retomando forzas cunha comida campestre con Pulpeira e Caldo Gallego, na fabulosa contorna do Pantano de Vilasouto.
Os seguintes días, o rally parará en Arteixo, no Museo de Automoción e Historia (MAHI) e, de aí, partirá cara a Ribadeo, onde quedará durante tres días, con visitas ao seu centro histórico, Praia das Catedrais, Capela das Virtudes, Casas Indianas e arredores.
O sábado, 9 de setembro, o rally irá ata Asturias, chegando a Cudillero e a Luarca, e o domingo irán cara A Pontenova, Taramundi e os Teixois, terminando a fin de semana cunha festa Indiana no Parador de Ribadeo.
O último día, o luns 11, os participantes despídense do evento cun percorrido polo Monte de Santa Cruz e logo unha visita especial á Fábrica de cerámica de Sargadelos.
