Comeza a funcionar o Punto Limpo Móbil do Concello de Taboada
O Concello de Taboada puxo a funcionar esta semana o Punto Limpo Móbil, unha iniciativa da da Área de Cultura, Deporte e Medio Rural que contou cunha subvención da Xunta de Galicia, a través da DX de Calidade Ambiental, procedente dos fondos 'Next Generation', que achegou o 90% do seu custo, que foi de 17.589,36 euros.
O obxectivo desta iniciativa, explican desde o Concello, é favorecer a clasificación de determinados residuos con características concretas, así como ampliar o servizo que dá o punto limpo existente e chegar á maior porcentaxe da veciñanza posible, tanto na vila como nas parroquias rurais.
Esta semana, o Punto Limpo Móbil estará situado Alameda, e a vindeira semana desprazarase á parroquia de Xián. A intención do Concello é que este punto limpo vaia percorrendo semanalmente todas as parroquias do concello.
Con esta iniciativa, desde a Área de Cultura, Deporte e Medio Rural explican que o que se busca é promover a reciclaxe e a redución dos residuos, así como ampliar a gama de servizos con que contan as nosas aldeas.