Colectivo Vermut celebrará o II Mercadillo Solidario de Nadal no Club Fluvial de Monforte
A asociación cultural Colectivo Vermut orgaiza o II Mercadillo Solidario de Nadal no Club Fluvial de Monforte, un evento que terá lugar o sábado, 21 de decembro, en horario de 11.00 a 20.00 horas.
A iniciativa pretende recadar fondos para asociacións de carácter asistencial que ofrecen os seus servizos en Monforte, como Cruz Vermella, Auxilia, Ruliños, Cáritas, Afamon e Albores. O prezo das entradas será dun euro por adulto, mentres que os menores de 16 anos poderán acceder gratis, e a cuota para os expositores será de 4 euros por posto participante.
Ademais, nesta edición, faranse dous bingos solidarios, un en formato tradicional e outro en formato de Bingo Musical. Os fondos recadados por ambos Bingos serán destinados a SOGAPS, (Solidariedade Galega co Pobo Saharauí), unha ONG que trata de dar visibilidade á causa do pobo Saharauí en Galicia e axuda na medida do posible ao seu pobo. Os regalos do bingo serán produtos ou servicios doados por negocios e empresas locais.
O Mercadillo Solidario conta xa coa confirmación de máis de 30 postos de artesanía, tatuaxes, xoiería, venda de tartas, roupa de segunda man, entre outros. A maiores, este ano participan algúns dos autores da Asociación Galega de Escritores que amosarán a súa obra nun novo espazo de micro aberto no que ademáis poderán participar os asistentes.
A parte musical estará composta pola banda monfortina Dinosaurios, o artista e produtor Jaunx, e as responsables da Sesión Vermut serán Dj Midori e Albanta Dj.
Os interesados na participación cun posto no mercadillo poden inscribirse ata o día 15 enviando un correo á dirección somoscolectivovermut@gmail.com.
En canto as actividades infantís, o mercado contará cun obradoiro de manualidades dirixido por Deborah Nuñez de Trasnos Ocio e Contacontos musical “A Apalpadora” da man da empresa Velaísca.
Tamén contará coa visita de Papa Noel, para o que que haberá que inscribirse antes do 19 de Decembro a través do formulario de inscrición online que pódese encontrar nas redes sociais de Colectivo Vermut e Club Fluvial Monforte. Todas as actividades infantís son de balde.
Horarios e espazos
Péregola
- 11.30 a 12.30 horas. Micro aberto
- 12.30 a 15.30 horas. Sesión Vermut: Dj Midori y Dj Albanta
- 18.00 horas. Jaunx
- 19.00 horas. Dinosaurios
- 20.00 horas. Bingo musical
Bar
- 11.00 a 13.00 horas. Visita de Papa Noel
- 11.30 a 12.30 horas. Obradoiro de Manualidades (Trasnos)
- 15.30 a17.30 horas. Bingo Tradicional
- 18.00 horas. Contacontos Musical (Velaísca)