Cincuenta nenos participaron esta semana no campamento infantil de inmersión lingüística dos Peares, en Carballedo

O campamento, que continurá nas próximas semanas, busca favorecer a aprendizaxe de idiomas, a convivencia entre os participantes e o contacto coa natureza, ao tempo que dá a coñecer o patrimonio cultural da zona

Participantes na primeira quenda do campamento de inglés dos Peares

Do 1 ao 8 de agosto, cincuenta nenos e nenas nados entre 2014 e 2016 participaron na primeira quenda do campamento infantil de inmersión lingüística en Os Peares, no concello de Carballedo. O programa céntrase no fomento do inglés e combina xogos, obradoiros e actividades ao aire libre con contidos en inglés.

Esta é a primeira das tres quendas previstas, que continuarán nas próximas semanas con grupos de rapaces de maior idade. O campamento busca favorecer a aprendizaxe de idiomas, a convivencia entre os participantes e o contacto coa natureza, ao tempo que dá a coñecer o patrimonio cultural da zona.

A Xunta de Galicia promove este verán estas actividades xuvenís na zona sur da provincia de Lugo a través do programa de campamentos da Dirección Xeral de Xuventude, apostando por un lecer educativo, accesible e de calidade para todos os mozos e mozas.