Chegan ao Xeoparque Montañas do Courel as XLII Xornadas Científicas da Sedeck
Do 3 ao 5 de outubro, o Xeoparque Montañas do Courel acolle as XLII Xornadas Científicas da Sedeck (Sociedade Española de Espeleoloxía e Ciencias do Karst), baixo o título Cuevas e karst en Galicia: Geoparque Mundial da UNESCO Montañas do Courel.
As xornadas comezarán o venres cunha visita ao Centro de Interpretación da Minaría Aurífera de San Clodio. O sábado celebrarase ao longo de todo o día unha serie de conferencias impartidas por distintos expertos, e a xornada concluirá cunha visita ao Museo Xeolóxico de Quiroga.
O domingo, os participantes terán a oportunidade de realizar unha excursión á Cova da Ceza e ao Centro de Interpretación das Covas de Meiraos, así como unha visita ao Exokarst Val das Mouras.
Estas actividades teñen como obxectivo achegar ao público á xeodiversidade do territorio e fomentar o coñecemento científico das formacións kársticas e das covas da zona.