Chantada pecha este venres a programación do 25N cunha charla sobre menopausa

Será no Auditorio Municipal baixo o título “(Con)vivir o Climaterio, máis aló da menopausa”

O Concello de Chantada, a través da Concellería de Igualdade e do Centro de Información á Muller (CIM), organiza unha charla titulada “(Con)vivir o Climaterio, máis aló da menopausa” que se celebrará o venres 28 de novembro, de 18:30 a 20:30 horas, no Auditorio Municipal.

Esta actividade pon fin á programación do 25N, Día Internacional para a Eliminación da Violencia contra a Muller. Desde o Concello explican que escolleron pechar con esta charla porque “é unha demanda que moitas mulleres veñen facendo e queremos atender esas inquedanzas”.