Axenda

A cita está dirixida a empresas e persoas emprendedoras do sector turístico, que poderán inscribirse ata o 23 de outubro

Chantada acollerá este mes de outubro a I Xornada Informativa Starlight, dirixida ao sector empresarial turístico e a persoas emprendedoras interesadas no astroturismo.

O encontro terá lugar o martes, 28 de outubro, ás 18:00 horas, e será impartido por Juanjo Lorenzo, cofundador de Turismo Activo Terras Altas de Trevinca e monitor astronómico Starlight.

As persoas interesadas poden inscribirse ata o 23 de outubro na oficina de turismo de Chantada, así como por teléfono no 982 44 17 52, ou por correo electrónico á dirección turismo@concellodechantada.org.