Actualidade

Os asistentes aprenderán como actuar ante queimaduras, feridas, infartos, golpes de calor ou ictus, entre outras cuestións

Primeiros Auxilios

Este mércores, 13 de novembro, no Telecentro de Chantada celébrase o curso gratuíto de Primeiros Auxilios destinado a toda a veciñanza.

O curso desenvolverase entre as 16.00 e as 21.00 horas e as inscricións faranse a través dos Servizos Sociais do Concello de Chantada, no 982 462 299.

Os asistentes aprenderán como actuar ante queimaduras, feridas, infartos, golpes de calor ou ictus, entre outras cuestións, co fin de preparar aos veciños e veciñas ante situacións de risco.