Chandrexa de Queixa ofrecerá cursos de castelán, galego e matemáticas
RibeiraSacraXa
Terán lugar a partir do 28 de xaneiro no Centro de Formación para o Emprego do Concello de Chandrexa de Queixa
15 Jan 2025
O Concello de Chandrexa de Queixa, en colaboración coa Consellería Emprego, Comercio e Emigración da Xunta de Galicia, ofrecerá este 2025 varios cursos de formación en “Competencias Clave”.
Así, a partir do 28 de xaneiro, as persoas interesadas poderán participar nestes cursos que abranguen formacións en comunicación en lingua castelá nivel 2, formacións e comunicación en lingua galega e formacións en matemáticas.
Todos os cursos impartiranse en horario de 15.45 a 20.45 horas no Centro de Formación para o Emprego do Concello de Chandrexa de Queixa. Os interesados poderán anotarse a través dos teléfonos 988 334 000 ou no 629 563 795. As actividades serán de carácter gratuíto.