Catro clubs deportivos de Monforte beneficiáronse de axudas para a adquisición de equipamento

Catro clubs deportivos de Monforte beneficiáronse de axudas para a adquisición de equipamento da Xunta de Galicia

A Xunta de Galicia destinou 18.800 euros a catro clubs deportivos de Monforte de Lemos ao abeiro da última convocatoria de axudas para a adquisición de equipamento da Secretaría Xeral para o Deporte.

O delegado territorial de Lugo, Javier Arias, visitou dúas das entidades beneficiarias, o club de golf Río Cabe e o club de billar Templarios Pool.

A primeira adquiriu coas axudas un cortacéspede e o segundo mesas de xogo, tacos e unha lámpada.

No municipio tamén recibiron achegas o club Quicela de ximnasia rítmica e o grupo de espeleoloxía, montaña e aire libre "Val da Néboa".