Canceladas as Xornadas de Folclore ante a gravidade da situación provocada polos lumes na provincia

Os únicos espectáculos que se manteñen de momento son os de Ourense e Ribadavia, á espera da evolución da situación

No contexto da actual emerxencia na provincia polos incendios forestais, e en coordinación cos concellos baixo o principio de precaución e seguridade, a organización das Xornadas de Folclore decidiu suspender todos os espectáculos programados ata o luns 18 incluído.

As actuacións canceladas son as previstas para hoxe no Carballiño ás 22.30 horas; as de mañá en Xinzo de Limia e Castro Caldelas; e a de Celanova do luns, que se suma á de Trives, anulada xa onte.

O resto das actuacións na provincia mantéñense, de momento, pendentes da evolución dos lumes en Ourense para adoptar as decisións máis axeitadas.