Bóveda organiza unha charla sobre as mulleres astrónomas co gallo do 8M
O Concello de Bóveda, en colaboración co Observatorio Astronómico Ramón María Aller, organiza unha charla sobre “astrónomas inesquecibles” para celebrar o 8M da USC.
É unha das primeiras actividades que o Goberno local organiza arredor do miradoiro astronómico de Serra de Penas, coa idea de seguir programando accións relacionadas coa astronomía e promocionar este tipo de visitas no concello.
Nesta primeira actividade, coordinada polo o profesor José Ángel Dacobo, participarán cinco estudantes de Física e colaboradores do Observatorio, entre as que se atopa Nerea Puime, veciña de Bóveda.
A charla será o día 8 de marzo ás 17.30 no Centro Sociocultural de Bóveda. O acceso á actividade é libre e gratuíto para todas as persoas que queiran asistir.