Actualidade

O club reunirase todos os luns pola tarde na Biblioteca Pública Municipal Antonio Reboiro

A Biblioteca Pública Municipal Antonio Reboiro da Pobra do Brollón puxo en marcha este luns 10 de novembro o seu novo club de lectura, aberto a todas as persoas maiores de 14 anos. A iniciativa, que pretende fomentar o hábito lector e o intercambio de opinións, celebrarase todos os luns ás 19:00 horas nas instalacións da biblioteca.

O club está moderado por Sergio Rodríguez González, veciño do municipio, que guiará as sesións de lectura e debate. Para a primeira xuntanza escolleron o libro ‘La casa de Mango Street’, de Sandra Cisneros.

As persoas interesadas en sumarse a esta iniciativa poden anotarse chamando ao 982 430 546 ou presencialmente na biblioteca.