As probas de Cros Escolar regresan a Monforte e Chantada
As competicións de campo a través volven á provincia coa iniciativa do Cros Escolar, que contará con varias probas preparatorias antes da fase clasificatoria do campionato provincial. A primeira cita será en Monforte de Lemos, o 19 de outubro, e a segunda en Chantada, o 26 de outubro. A proba clasificatoria celebrarase novamente en Monforte o 16 de novembro.
O Concello de Chantada ofrece a posibilidade de participar de xeito gratuito nestas competicións a través do programa Xogade, sen necesidade de estar inscrito nas Escolas Deportivas de Chantada. Os torneos desenvolveranse en horario de mañá, e a actividade inclúe traslados en autobús e seguro, ademais de contar coa compañía de dous adultos por participante (persoal técnico do Concello e voluntarios).
Para máis información e inscricións, os interesados poden consultar as imaxes informativas, chamar ao 616 53 33 39 ou acceder á web municipal.