As Maxestades de Oriente entregaron os agasallos aos nenos de Bóveda
RibeiraSacraXa
Los niños de Bóveda recibieron en el ayuntamiento a sus majestades los Reyes Magos de Oriente que hicieron entrega de sus regalos.
![Reis magos boveda2](https://ribeirasacraxa.com/wp-content/uploads/2022/01/Reis-magos-boveda2.jpg)
6 Xan 2022
O Concello de Bóveda recibiu aos Reis Magos na casa consistorial. Esta cita deu comezo ás 18.00 horas coa chegada das súas Maxestades de Oriente.
Durante os días anteriores a súa chegada, os nenos puideron deixar as súas cartas coas peticións e desexos na caixa de correo real habilitada para o mesmo no Concello.
Os Reis Magos de Oriente visitaron na tarde de onte o Concello de Bóveda, alí fixeron entrega de agasallos a todos os nenos e nenas que previamente se tiveron que anotar. Esta actividade encheu de sorrisos e desexos cumpridos a sala.
A recepción dos agasallos levouse a cabo cumprindo todas as normas sanitarias en vigor para que esta cita fose segura para todos os veciños, promovendo o control de contaxios e a saúde dos cidadáns.