As Festas de Verán de Quiroga acollen diversas actividades ata a noite do domingo
![Festas de Verán Quiroga](https://ribeirasacraxa.com/wp-content/uploads/2023/08/Festas-de-Veran-Quiroga.jpg)
As Festas de Verán de Quiroga comezaron onte coa XXXII Mostra do Mel e a actuación da pasada noite da Panorama, pero seguen ata o domingo, 13 de agosto, con diversas actividades para todos os cidadáns e visitantes que se acheguen.
Así, hoxe, venres 11, a partir das 19.00 horas, terá lugar o torneo 'Street Soccer' nas pistas deportivas do Parque da Constitución, dando un espectáculo interesante para os interesados. E pola noite haberá varias actuacións musicais: o concerto de Lys Pardo ás 23.00 horas, a actuación do grupo Los Platinos ás 00.30 horas e a actuación da discomóbil Radikal con Raúl Romero na rúa Real ás 02.00 horas.
Xa o sábado terá lugar o Día da Música Tradicional, comezando ás 12.00 horas coa actuación do grupo de música Volta do Agro e ás 13.00 horas terá lugar a sesión vermú con Os Broders na rúa Lago.
Pola tarde, ás 19.00 horas terá lugar o Trofeo Festas de Verán, no que os xuvenís do Quiroga FC e o CF Monforte enfrontaranse no campo de fútbol San Martiño. Pola noite, a partir das 21.00 horas, a rúa Real acollerá a animación na rúa 'O bosque vivinte' a cargo de Sarao Produccións e ás 23.00 horas terá lugar o concerto de música tradicional cos Melidaos na rúa Real. Por último, actuarán Os Broders ás 01.00 horas na rúa Lago.
Para rematar as festas, o domingo 13 comezará a xornada cunha sesión vermú con 'Dos en punto' na rúa Lago e pola tarde terá lugar outro Trofeo Festas de Verán, nesta ocasión, enfrontaranse os sénior dos equipos Quiroga FC e o CD Río sil.
Xa á noite, ás 22.00 horas terá lugar o espectáculo familiar 'Asacocirco Show' na praza do Auditorio e ás 23.00 horas tiraranse os fogos de artificio na praza de España, rematando ás 23.30 horas co concerto de Gin Toni's na rúa Real.