Arrancan cunha pancetada as festas de Piñeira, en Monforte

As celebración continuarán o domingo e o luns

Cartel

A localidade de Piñeira, en Monforte, está de festa esta fin de semana na honra a San Antón.

Comezarán as festas esta noite de sábado, ás 21.30 horas, cunha pancetada veciñal, á que seguirán as actuacións de Mago Iago e Malenne/Os Parentes, para finalizar co Dj Brollón.

O domingo está prevista misa ante da sesión vermú, que será no campo da festa con Mar de Arousa, grupo que tamén se encargará da verbena xunto a Eureka.

O luns tamén haberá misa ás 13.00 horas, nesta ocasión con procesión, que estará acompañada polo grupo de gaitas do Concello.

A partir das 18.00 horas está previsto tiro de corda contra o tractor e moitos máis xogos populares. A partir das 22.00 horas será a vez da verbena, con DJ Son1c, M3 Show e Acordes.