Alumnos da Escola de Música de Monforte actuarán no acto de presentación da nova Escola de Música de Quiroga e Ribas de Sil

A nova Escola de Música promovida polos concellos de Ribas de Sil e Quiroga será presentada este sábado a partir das 19.

A nova Escola de Música promovida polos concellos de Ribas de Sil e Quiroga será presentada este sábado a partir das 19.00 horas nun acto aberto a todo o público na Casa da Cultura de Quiroga.

Este acto servirá para coñecer o funcionamento de como serán as clases e nel actuarán varios alumnos de Monforte para que os asistentes poidan ver os resultados que se obteñen en pouco tempo.

As clases irán destinadas tanto a nenos como a adultos e o obxectivo é conseguir acadar un número mínimo de alumnos para botar a rodar a Escola a partir do mes de xaneiro.