Aínda quedan prazas para o curso de cosmética orgánica en Pantón

O Concello de Pantón en colaboración co Departamento de Medio Ambiente da Deputación de Lugo organiza un curso de cosmética sólida orgánica.

Novo curso de cosmética sólida orgánica no Concello de Pantón en colaboración co Departamento de Medio Ambiente da Deputación de Lugo. É presencial e de carácter gratuíto.

Este curso terá lugar o vindeiro mércores 27 de outubro na Casa da Cultura de O Castro da Ferreira, en horario de 16 a 20 horas.

A causa da actual situación sanitaria o curso está limitado a 10 prazas, que se cubrirán por rigorosa orde de inscrición. Así pois, todas aquelas persoas que estean interesadas poden inscribirse chamando ao número de teléfono 982 456 377.