Aínda hai prazas para desfrutar das actividades do programa 'Bóveda Concilia'

Os nenos e nenas de Bóveda poden desfrutar das actividades de ocioteca e do campamento de verán de xullo

O Concello de Bóveda promove diversas actividades de verán programadas para nenos e nenas do municipio no marco do programa ‘Bóveda Concilia’.

Desta maneira, esta semana está a desenvolverse a ocioteca de 10.00 a 14.00 horas os luns, mércores e venres; mentres que en xullo terá lugar o campamento de verán.

Neste campamento, os nenos de entre 4 e 16 anos poderán participar nas actividades de pintura, manualidades, danza, teatro, deportes e moito máis que se desenvolverán de 08.30 a 14.00 horas.