Adamo lanza un novo servizo de televisión á carta
![television adamo a carta](https://ribeirasacraxa.com/wp-content/uploads/2023/07/television-adamo-a-carta.jpg)
Xa está dispoñible o servizo de televisión á carta de Adamo. Con este lanzamento, o operador completa a súa oferta da internet ultrarrápido para o fogar (de ata 1.000 Mb) e de telefonía fixa e móbil. As tres modalidades que ofrece Adamo TV, que se poden engadir a calquera paquete de fibra por parte de novos clientes ou xa existentes.
Conta contres paquetes, o Basic con máis de 100 canles por 3 euros ao mes e a opción de conectar ata 2 dispositivos de forma simultánea. Con TDT, canles locais, rexionais, internacionais e de entretemento. O paquete Prémium conta con preto de 110 canles por 6 euros mensuais e a posibilidade de ter operativos ata 3 dispositivos ao mesmo tempo. Ademais do anterior, inclúe canles de cinema e series, como Warner TV, Cosmo ou Classic Mania, entre outros, así como contidos para adultos.
Finalmente, o paquete Total, con máis de 120 canles por 12 euros ao mes, sendo posible usar ata 4 aparellos á vez. Suma á combinación anterior, canles de música, documentais e máis de series e de cinema (por exemplo, películas clásicas en TCM). Tamén de caza, pesca e touros, como Iberalia ou Torolé.
Aposta polas canles locais
Comparten os tres paquetes, é preciso mencionalo, unha gran oferta de contidos locais, cunha trintena de canles. Destacando, como engadido neste sentido, LaLigaSportsTV, con transmisións de diversas categorías de fútbol, baloncesto, balonmán, boxeo, fútbol sala e ata petanca.
Para redondear esa variedade, Adamo ofrece varios engadidos que tamén son comúns ás tres modalidades, como a compatibilidade con todos os dispositivos (TV, computador, móbil e tablet) para poder acceder ao servizo desde calquera lugar e en calquera momento; pausa do contido; control parental; almacenamento dos últimos 7 días e contidos á carta.
Finalmente, cabe lembrar que calquera interesado en contratar Adamo TV pode chamar ao número gratuíto 900 651 651 ou entrar na web da empresa para facelo.