Actividades en Chantada para a celebración do Día do Libro
![dia do libro chantada](https://ribeirasacraxa.com/wp-content/uploads/2021/04/dia-do-libro-chantada.jpg)
O concello de Chantada organiza actividades ata o día 28 deste mes para a celebración do Día do Libro. Tras as actividades realizadas nos días pasados, a próxima xornada dará comezo o martes 27 de abril, no que se fará un contacontos: "Max e Lea" de Estefanía Padullés. A actividade levarase a cabo no Espazo Xove de Chantada e terá un límite de aforo.
O mércores 28 de abril as 18:00h haberá un recital literario diante da porta sur do Espazo Xove, na rúa que limita con Avelino Gómez Ledo. Poderá ir público en xeral e contará cun aforo limitado.
Finalmente, recórdase que dende o martes 20 ata o mércores 28 deste mes durante toda a tarde haberá un tren de libros no que se poderán recoller libros para poder lelos e ao mesmo tempo, tamén se poderán deixar para compartilos con outras persoas. Esto estará presente na planta baixa do Espazo Xove e poderá participar todo o público que o desexe.