Abre un Lugo un ciclo de proxeccións do documental sobre Manuel Díaz González
![o medico dos pobres documental portada](https://ribeirasacraxa.com/wp-content/uploads/2023/10/o-medico-dos-pobres-documental-portada.jpg)
Vicepresidencia da Deputación de Lugo organiza un ciclo de proxeccións do documental O médico dos pobres, sobre o médico e alcalde republicano do Incio Manuel Díaz González, coñecido como O pequeniño do Incio, asasinado polos falanxistas en 1936.
O audiovisual, dirixido por Federico Rioboo e promovido pola asociación A Memoria é Naúfraga, proxectarase en Lugo, Bóveda, Quiroga, Taboada, Chantada, Sarria, Samos, A Pobra do Brollón e Monforte, en colaboración con concellos e asociacións culturais das distintas localidades.
A estrea será este sábado 14 de outubro no Vello Cárcere (19:30 horas) e domingo 15 proxectarase no Auditorio Municipal de Bóveda (18.00 horas). Nese concello, nunha casa de Xullán, na parroquia de Toimil, recuperada por A Memoria é Naúfraga como centro cultural e de memoria, refuxiouse Manuel Díaz antes de ser apresado e fusilado en setembro de 1936.
Co ciclo de proxeccións, que conta coa colaboración de concellos e asociacions culturais das diferentes localidades, a Vicepresidencia da Deputación de Lugo apoia a difusión e a viabilidade da produción, que contribúe á documentación da represión e ao recoñecemento das vítimas do franquismo.
A proxeción terá lugar tamén en Quirog o 24 de novembro; en Taboada o 25 de novembro e no Incio ao día seguinte. Comezarán o día 1 de decembro en Chantada e seguirán en Sarria o 2. As datas das proxeccións en Samos, A Pobra do Brollón e Monforte están por concretar.
![o medico dos pobres documental](https://ribeirasacraxa.com/wp-content/uploads/thumbs/2023/10/o-medico-dos-pobres-documental-200x282.jpg)