Educación

Ata o 12 de abril poderanse presentar, preferentemente por vía telemática, as solicitudes de inscrición ou renovación de praza para o vindeiro curso.

Ata o 12 de abril estará aberto o prazo de solicitudes de admisión para o curso escolar 2021/2022 na Escola Infantil de Pantón.

Durante este período de tempo os pais/nais ou titores dos nenos e nenas que estean na actualidade matriculados na Escola Infantil deberán presentar a solicitude de renovación de praza, no caso de querer continuar no centro no próximo curso.

Paralelamente, os pais/nais ou titores de nenos e nenas que desexen acceder a este servizo no vindeiro curso escolar deberán presentar solicitude de inscrición.

A presentación de solicitudes realizarase preferentemente de forma telemática. A resolución e os anexos para as solicitudes están dispoñibles nos enderezos http://politicasocial.xunta.gal e www.igualdadebenestar.org.

Desde a Escola Infantil indican que, en caso de calquera dúbida, se chame ao teléfono 638 299 593.