Aberto o prazo de inscrición para participar na “Xornada Infantil do Mural do Folión de Carros de Chantada”
RibeiraSacraXa
A actividade terá lugar este martes, 19 de agosto, no muíño da Alameda
16 Aug 2025
A Asociación Cultural Amigos do Folión, en colaboración co Concello de Chantada, organiza unha xornada artística e cultural destinada a nenas e nenos de entre 6 e 12 anos, para participar no “Mural do Folión de Carros de Chantada”.
A actividade é totalmente gratuíta e terá lugar o martes, 19 de agosto, no muíño da Alameda. Para participar é preciso inscribirse previamente a través do teléfono 627 262 174 ou por correo electrónico, a través da direción amigosdofolion@gmail.com.