Axenda

Os obradoiros desenvolveranse do 22 ao 26 de decembro en horario de mañá no salón de actos do Concello

O Concello de Ribas de Sil pon en marcha unha nova edición dos obradoiros de Nadal dirixidos aos máis pequenos. Unha proposta chea de creatividade, diversión e ambiente nadalicio para que nenos e nenas disfruten destas festas.

Os obradoiros desenvolveranse do 22 ao 26 de decembro, en horario de 10:30 a 13:30, no salón de actos do Concello. Durante as actividades, a cativada poderá participar en manualidades e decoracións de Nadal, construír o buzón real e tamén haberá tempo para ver películas.

As inscricións están abertas e poden realizarse chamando ao teléfono 672 357 890.