A XXIII Mostra do Aceite de Quiroga abre o seu prazo de inscrición para os olivicultores
RibeiraSacraXa
A XXIII Mostra do Aceite de Quiroga abre o seu prazo de inscrición para os olivicultores do municipio ata o 17 de abril
![Feira do Aceite Quiroga](https://ribeirasacraxa.com/wp-content/uploads/2023/04/Feira-do-Aceite-Quiroga.jpg)
10 Abr 2023
O martes ábrese o prazo para inscribirse na XXIII Mostra do Aceite de Quiroga, unha Festa de Interese Turístico de Galicia que se celebra o domingo día 14 de maio no Muíño de Aceite de Bendilló, nas Farrapas.
O prazo de inscrición para que os olivicultores do municipio se poidan anotar estará aberto ata o luns 17 de abril.
O número de colleiteiros está limitado a seis, polo que os interesados en participar serán seleccionados por orde de inscricións no rexistro de entrada das oficinas municipais.
Os requisitos imprescindibles para participar serán contar co rexistro sanitario vixente e ter unha colleita mínima de 200 litros de aceite.