A Xunta e Concello da Pobra de Trives estudan a posibilidade de instaurar un instrumento de recuperación da terra agraria

O obxectivo será poñer en produción terras de boa capacidade produtiva que se atopen en estado de abandono ou infrautilización

Patricia Domínguez e Paz Rodríguez

A directora xeral da Axencia Galega de Desenvolvemento Rural, Paz Rodríguez, reuniuse este luns coa alcaldesa da Pobra de Trives, Patricia Domínguez. Nesta xuntanza avaliaron a posibilidade de implantar instrumentos de recuperación da terra agraria nesta localidade, co obxectivo de poñer en produción terras de boa capacidade produtiva que se atopen en estado de abandono ou infrautilización. Asemade, estudaron as necesidades desta localidade en termos de mellora de infraestruturas agrarias.