A VII Foliada Carroceira e o Folión de Carros de Chantada celebraranse este sábado
Este sábado terá lugar o día forte das Festas Patronais de Chantada, xa que a cidade acolle a VII Foliada Carroceira 2023, que inclúe o Folión de Carros, considerada como unha festa galego de interese turística e ben de interese cultural.
Así, a partir das 19.00 horas, Chantada encherase de música da man da agrupación tradicional da Casa da Música, Os Barrios, a Banda Municipal de Gaitas de Chantada, Searas, o grupo tradicional 'Os Xílgaros de Lugo', Dakidoasma e a Ronda 'La Esperanza' de Requejo (Cantabria).
Estas actuacións musicais acompañarán o desfile de carros e gando das persoas que se apuntaron a participar deste evento tradicional que terá lugar polas rúas da cidade, nas que haberá, tamén mostras de artesanía, con ferramentas de oficios tradicionais vinculados ao folión.
Desde a Asociación Cultural Amigos do Folión animan a todos os participantes a que se caractericen de forma histórica para vivir de forma máis profunda esta xornada poñendo un pano, unha camisa, un mandil, unha saia e uns zapatos, as mulleres; e unha boina, un chaleco, unha camisa, un pantalón e uns zapatos, os homes.