A VII Carreira Popular de Carballedo será o 3 de maio
A VII Carreira Popular de Carballedo xa ten datas de celebración. Será o vindeiro 3 de maio, dentro do circuíto de carreiras populares Miño-Ulla.
A cita contará con varios percorridos e categorías, para que poidan participar persoas de todas as idades e condicións físicas. Así , haberá un percorrido curto, de 5 quilómetros, e outro longo, de 10 quilómetros, tanto na modalidade de carreira coma na modalidade de andaina.
Todas as probas sairán da Praza Victor Portomeñe (A Barreira). Os horarios de saída dependerán das categorías nas que se corra. Así, os participantes na categoría infantil sairán ás 16.00 horas, mentres que os da categoría absoluta (carreira) sairán ás 16.30 horas. Pola súa banda, aquelas persoas que elixan a modalidade de andaina sairán ás 16.35 horas. A inscrición é totalmente gratuita e estará aberta ata o 1 de maio.