Axenda

O autobús situarase na Praza de Galicia en horario de mañá e de tarde

Este venres, 10 de outubro, a unidade móbil da Axencia de Doazón de Órganos e Sangue estará na Praza de Galicia para que as persoas interesadas poidan doar sangue. O horario será de 10:00 a 14:00 horas e de 16:00 a 21:00 horas.

Desde a organización lembran a importancia de seguir algúns consellos básicos antes de doar: almorzar previamente, evitar comidas copiosas e agardar dúas horas se se acaba de xantar. Ademais, é necesario levar a tarxeta de doazón, DNI ou documento similar, e informar ao persoal sanitario se se está a tomar algún medicamento. Para doar sangue só se require ter máis de 18 anos e pesar máis de 50 quilos.