A Rede de Transporte público de Galicia ofrece un servizo de autobús a demanda entre A Pobra do Brollón e Monforte de Lemos
RibeiraSacraXa
Será necesario reservalo previamente antes das 19.00 horas do día anterior
14 Jan 2025
A Rede de Transporte público de Galicia ofrece un servizo de autobús a demanda entre A Pobra do Brollón e Monforte de Lemos. Dende o Concello da Pobra do Brollón lembran que este servizo ofrécese de luns a venres previa reserva.
Os horarios do transporte son de 10.49 horas dende a parada de Avenida de Galicia da Pobra do Brollón ata Monforte de Lemos, e ás 19.00 horas dende a Estación de Autobuses de Monforte ata A Pobra do Brollón.
Para poder usar este servizo será necesario reservalo previamente. As reservas terán que facerse antes das 19.00 horas do día anterior a través do teléfono 988 687 800.